नेपाली बजारमा आज सुनको मूल्यले नयाँ रेकर्ड कायम गर्न सफल भएको छ । लगातार बढिरहेको सुनको मूल्य आज हालसम्मकै उच्च विन्दुमा पुगेको हो ।

यसअघि गत चैत ८ गते हालसम्मकै उच्च मूल्यमा सुनको कारोबार भएको थियो ।

बुधबार छापावाल सुन प्रतितोला एक लाख २६ हजार आठ सय रूपैयाँ र तेजाबी सुन प्रतितोला एक लाख २६ हजार दुई सय रूपैयाँमा कारोबार भएको सुन महासंघका अनुसार आज छापावाल सुन प्रतितोला एक लाख २७ हजार नौ सय रूपैयाँ र तेजाबी सुन प्रतितोला एक लाख २७ हजार तीन सय रूपैयाँमा कारोबार भइरहेको छ । 

अघिल्लो दिन अर्थात् बुधबार तुलनामा प्रतितोला एक हजार एक सय रूपैयाँ बढेको हो । 

त्यस्तै, चाँदीको मूल्य पनि अघिल्लो दिनको तुलनामा बढेको छ ।

बुधबार प्रतितोला एक हजार चार सय ९० रूपैयाँमा कारोबार भएको चाँदी यस दिन प्रतितोला एक हजार पाँच सय १० रूपैयाँ पुगेको छ।

यो मूल्य अघिल्लो दिनको तुलनामा प्रतितोला २० रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस २१ सय ९६ अमेरिकी डलरमा कारोबार भइरहेको छ ।