नेपाल 'ए' र आयरल्यान्ड 'ए' बीचको पहिलो टी-२० अभ्यास खेल रद्द भएको छ । कीर्तिपुरस्थित त्रिवि मैदानमा आज दिउँसो १ बजेका लागि तय भएको खेल बुधबार रातिदेखि नै पानी परेपछि रद्द भएको हो ।

दुवै टोलीका खेलाडी मैदान नै आएका थिएनन् । नेपाल क्रिकेट संघ (क्यान)ले खेल रद्द भएको जानकारी दिएको छ । 

यस खेलसहित क्यानले पुन: नयाँ तालिका सार्वजनिक गर्नेछ ।

टीयु मैदानको पिच र आउटफिल्ड दुवै कभरले ढाकिएको छ । नेपाल ए र आयरल्यान्ड ए बीच समान तीन टी-२० र एक दिवसीय सिरिज हुने कार्यक्रम छ ।