नेपालकी कराते खेलाडी एरिका गुरुङले युएस ओपन कराते च्याम्पियनसिपमा दुई पदक जितेकी छिन् । 

उनले टेक्सासमा भएको च्याम्पियनसिपमा यू-२१ को ६८ केजी तौल समूहमा स्वर्ण र मुख्य प्रतिस्पर्धामा रजत पदक हात पारेकी छिन् ।

गएराति भएको खेलमा क्यानडाकी खेलाडीलाई हराउँदै एरिकाले यू-२१ इलिटतर्फ महिला ६८ केजीमाथि तौल समूहमा स्वर्ण जितेकी हुन् । उनले फाइनलमा ९-० ले पराजित गरिन् ।

एरिकाले सिनियर इलिटको ६८ केजीमाथीतर्फ रजत पदक जितेकी छन् । उनले फाइनलमा अमेरिकी खेलाडीसँग ३-२ ले पराजित हुँदा रजत पदक हात पारेकी हुन् ।

उनले गत असोजमा चीनमा भएको एसियाली खेलकुदमा ऐतिहासिक रजत जितेकी थिइन् ।