- राजन घिमिरे, सिड्नी

अष्ट्रेलियाको सिड्नीमा नेपालीहरूको नयाँ बर्षको अबसर पारेर न्यू इयर ईभ २०८१ कार्यक्रमको आयोजना हुने भएको छ ।

रगडेल ब्वायज र कमेरो इभेन्टसले आयोजना गर्न लागेको यो कार्यक्रम हिल्टन होटलमा शुक्रबार आयोजना हुँदै छ । कार्यक्रममा मेघा श्रेष्ठको साथमा पाँच जना डिजेको सांगितिक प्रस्तुतिहरू समेटिने छन् भने फेसन र्याम्पबाट कार्यक्रमको शुरूवात गरिने छ ।

पोशाक नामक नेपाली कम्पनीले बनाएको नेपाली उत्पादनबाट बनेका पहिरन लगाएर र्याम्पमा मोडलहरूले क्याटवक गर्ने जानकारी दिइएको छ । प्रबासमा नेपाली नयाँ बर्ष खुशी साटेर मनाउंने र नेपाली उत्पादन वा पोशाकको प्रचार प्रसार गर्नु कार्यक्रमको उद्देश्य रहेको कुरा शितल खांड गिरीले बताएका छन् ।