राष्ट्रिय सभा उपाध्यक्षको निर्वाचनमा एकीकृत समाजवादीले नेकपा (एमाले) उम्मेदवार विमला घिमिरेलाई मत दिने भएको छ ।

घिमिरे सत्ता गठबन्धनबाट साझा उम्मेदवार छिन् । आफै उपाध्यक्षमा दाबी गरेपनि नपाएपछि एकीकृत समाजवादीले सत्तागठबन्धनकै अर्को दल एमालेका उम्मेदवारलाई मत दिने निर्णय गरेको हो ।

राष्ट्रिय सभाको उपाध्यक्ष पदमा सत्ता गठबन्धनबाट एमालेकी विमला घिमिरे र कांग्रेसबाट विष्णुदेवी पुडासैनीले प्रतिस्पर्धा गर्दैछन् ।

उपाध्यक्षका लागि आज बुधवार १ बजेपछि बस्ने राष्ट्रिय सभा बैठकमा मतदान हुँदैछ ।

राष्ट्रिय सभामा माओवादी केन्द्रका १७, नेपाली कांग्रेसका १६, एमालेका १०, एकीकृत समाजवादीका ८, जसपाका ३, जनमोर्चा, लोसपा, मनोनीत गरी १—१ सांसद मतदाता छन् ।