नेपाल सुनचाँदी व्यवसायी महासंघले बिहीबारका लागि सुन-चाँदीकाे मूल्य सार्वजनिक गरेकाे छ । गत आइतबारदेखि लगातार बढिरहेकाे सुनको मूल्य नेपाली बजारमा बिहीबार भने मूल्य घटेको हाे ।

महासंघका अनुसार आज बजारमा छापावाल सुन प्रतितोला एक लाख ३६ हजार छ सय रूपैयाँ र तेजाबी सुन भने प्रतितोला एक लाख ३५ हजार नौ सय ५० रूपैयाँमा कारोबार भइरहेको छ । यो अघिल्लो दिनको तुलनामा प्रतितोला दुई सय रूपैयाँ घटेकाे हो । 

बुधबार छापावाल सुन प्रतितोला एक लाख ३६ हजार आठ सय रूपैयाँ र तेजाबी सुन प्रतितोला एक लाख ३६ हजार एक सय ५० रूपैयाँमा कारोबार भएकाे थियाे । 

त्यस्तै, बिहिबार चाँदीको मूल्य भने स्थिर रहेकाे छ । बुधबार प्रतितोला एक हजार सात सय रूपैयाँ पुगेको चाँदीको मूल्य आज पनि साेहि मूल्यमा काराेबार भइरहेकाे छ । 

आज अन्तर्राष्ट्रिय बजारमा सुन प्रतिऔंस २३ सय ४३ अमेरिकी डलरमा कारोबार भइरहेको छ ।