नेपाल सुनचाँदी व्यवसायी महासंघले साेमबारका लागि सुन-चाँदीकाे मूल्य सार्वजनिक गरेकाे छ । सार्वजनिक गरेकाे मूल्य अनुसार आज नेपाली बजारमा सुन-चाँदीकाे नै मूल्य बढेको छ । 

आज छापावाल सुन प्रतितोला एक लाख ३७ हजार पाँच सय रूपैयाँ र तेजाबी सुन प्रतितोला एक लाख ३६ हजार आठ सय ५० रूपैयाँमा कारोबार भइरहेको छ । महासंघका अनुसार अघिल्लो दिन अर्थात् आइतबारकाे तुलनामा आज सुनको मूल्य प्रतितोला सात सय रूपैयाँ बढेको हो । 

त्यसैगरी, आज चाँदीको मूल्य पनि बढेको छ ।

अघिल्लो दिन प्रतितोला एक हजार सात सय रूपैयाँमा कारोबार भएको चाँदी सोमबार बजारमा प्रतितोला एक हजार सात सय १५ रूपैयाँमा कारोबार भइरहेको छ । अघिल्लो दिनकाे तुलनामा याे मूल्य आज प्रतितोला १५ रूपैयाँ बढेको हो । 

अन्तर्राष्ट्रिय बजारमा आज सुन प्रतिऔंस २३ सय ५५ अमेरिकी डलरमा कारोबार भइरहेको छ ।