नेपाल सुनचाँदी व्यवसायी महासंघले मंगलबारका लागि सुन-चाँदीको मूल्य निर्धारण गरेकाे छ । निर्धारण गरेकाे मूल्य अनुसार आज नेपाली बजारमा सुन हालसम्मकै उच्च मूल्यमा कारोबार भइरहेकाे छ ।  

आज छापावाल सुन प्रतितोला एक लाख ३९ हजार दुई सय रूपैयाँ र तेजाबी सुन भने प्रतितोला एक लाख ३८ हजार पाँच सय ५० रूपैयाँमा कारोबार भइरहेको छ। 

महासंघका अनुसार अघिल्लो दिनको तुलनामा आज सुनको मूल्य प्रतितोला एक हजार सात सय रूपैयाँ बढेको हो । यसभन्दा अघि सुनको मूल्यले गत शुक्रबार ऐतिहासिक रेकर्ड बनाएको थियो ।

त्यस्तै, मंगलबार चाँदीको मूल्य पनि बढेको छ । 

आज प्रतितोला एक हजार सात सय ५० रूपैयाँमा कारोबार भइरहेकाे छ ।  अघिल्लो दिन प्रतितोला एक हजार सात सय १५ रूपैयाँमा कारोबार भएको थियाे । याे मूल्य अघिल्लो दिन भन्दा ३५ रूपैयाँले बढेकाे हाे । 

अन्तर्राष्ट्रिय बजारमा आज सुन प्रति‍औंस २३ सय ८७ अमेरिकी डलर पुगेको छ ।