मोटरसाइकल दुर्घटनामा सोमवार राति पत्रकार विनय कुमार यादवको निधन भएको छ ।

पूर्व पश्चिम राजमार्गमा ढल्केवरबाट धारापानीतर्फ जाने क्रममा पत्रकार यादव आफैँले चलाएको मोटरसाइकल दुर्घटनामा परेको थियो । घटनास्थलमै उनको मृत्यु भएको हो ।

धनुषाको धनुषाधाम घर भएका पत्रकार यादव न्यूजब्यूरो डटकमका कार्यकारी सम्पादक थिए ।

मंगलबार बिहान करिब ४ बजेको समयमा जनकपुरधाम-ढल्केवर सडकखण्डमा जनकपुरधामतर्फ आउँदै गरेको प्रदेश ०२-००६ प ३०३५ नम्बरको मोटरसाइकल मिथिला नगरपालिका ६ स्थित अनियन्त्रित भएर सडक छेउको रेलिङमा ठोक्किएर दुर्घटना भएको थियो । 

मोटरसाइकलमा पछाडि सबार एक व्यक्ति घाइते पनि भएका छन् । उनको उपचार जनकपुरधामस्थित प्रादेशिक अस्पतालमा भइरहेको छ ।

यस सम्बन्धमा थप अनुसन्धान भैरहेको जिल्ला प्रहरी कार्यालयले जनाएको छ ।