प्रवासमा रहेर नेपाली कला साहित्य एवम गीत संगीतको संरक्षण, प्रवर्दन एवम् उत्थानमा निरन्तर २ दशक देखी लागि पर्दै आउनु भएको कवियत्री तथा गजलकार संजिता देउजाको हिन्दी गीत धडकाए मेरे दिलको बोलको गीत इन्डियाको प्रख्यात सांगीतिक कम्पनी जी म्युजिकबाट रिलिज भएको छ ।

थुप्रै नेपाली सुगम गीत तथा गजलहरु द्वारा नेपाली दर्शकको मन जित्न सफल सन्जिता देउजाको यस गीतलाई नेपाली एवम् हिन्दी पाश्र्व गायनमा छुट्टै पहिचान बनाउनु भएको गायक अभिजित भट्टचार्यले स्वर दिनु भएको छ भने मुम्बईमा रहेर सांगीतिक यात्रालाई अघी बढाई रहनु भएको शिखर सन्तोषले यस गीतमा संगीत संयोजन गर्नु भएको छ ।

हर्ष मनहर्ष र मेहक माहजन फिचर्ड यस् भिडियोमा सिनेमटोग्राफी, सम्पादन र रङ्ग संयोजन प्रसन्न कुँवरको रहेको छ भने संगीतकार शिखर सन्तोषले नै यस् गीतमा आफ्नो निर्देशकिय दक्षता पनि प्रस्तुत गर्नु भएको छ ।