नेपाल सुनचाँदी व्यवसायी महासंघले बुधबारका लागि सुन–चाँदीको मूल्य सार्वजनिक गरेकाे छ । सार्वजनिक गरेकाे मूल्य अनुसार नेपाली बजारमा आज सुन–चाँदीको मूल्य बढेको छ ।

मंगलबार छापावाल सुन प्रतितोला एक लाख ३५ हजार पाँच सय रूपैयाँ र तेजाबी सुन प्रतितोला एक लाख ३४ हजार आठ सय ५० रूपैयाँमा कारोबार भएको सुन महासंघका अनुसार आज छापावाल सुन प्रतितोला एक लाख ३६ हजार रूपैयाँ र तेजाबी सुन प्रतितोला एक लाख ३५ हजार तीन सय ५० रूपैयाँमा कारोबार भइरहेको छ ।

अघिल्लो दिनकाे तुलनामा यसदिन प्रतितोला पाँच सय रूपैयाँ बढेको हो ।

त्यसैगरी, मंगलबार प्रतितोला १६ सय ६० रूपैयाँमा कारोबार भएको चाँदी आज प्रतितोला १६ सय ७० रूपैयाँमा कारोबार भइरहेको छ ।मंगलबारको तुलनामा बुधबार चाँदी प्रतितोला १० रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस २३ सय २७ अमेरिकी डलरमा कारोबार भइरहेको छ ।