प्रतिनिधि सभा अन्तरगत इलाम–२ मा भएको उपनिर्वाचनमा नेकपा एमालेले अग्रता कायमै राखेको छ । 

फाकफोकथुम, चुलाचुली गाउँपालिका पूरै र माङ्सेबुङ गाउँपालिकाको वडा नम्बर १ को मत गनिसक्दा एमालेले २६१८ मतले अग्रता लिएको छ ।

एमालेको सुहाङ नेम्वाङ ८८९८ मतसहित अगाडि छन् भने दास्राेमा उनका निकटतम प्रतिद्वन्द्वी कांग्रेस ६२८० मतले पछ्याइरहेका छन् । 

तेस्रो स्थानमा रहेका मुढा चुनाव चिह्न भएका डकेन्द्रसिंह थेगिमले ४६३४ मत ल्याएका छन् भने चौथो स्थानमा रहेकाे राष्ट्रिय स्वतन्त्र पार्टी उम्मेदवार मिलन योङहाङ लिम्बूले १३०५ मत ल्याएका छन् ।

इलाम २ मा शनिबार उपनिर्वाचन भएको थियो । यहाँ एक लाख १५ हजार आठ सय ८९ मतदाता रहेकामा ६९ हजार दुई सय ८७ जनाले शनिबार मतदान गरेका थिए ।