साताको पहिलो दिन अर्थात् आइतबारका लागि नेपाल सुनचाँदी व्यवसायी महासंघले सुन-चाँदीकाे मूल्य सार्वजनिक गरेकाे छ । सार्वजनिक गरेकाे मूल्य अनुसार नेपाली बजारमा आज सुनको मूल्य स्थिर रहेको छ भने चाँदी घटेको छ ।

महासंघका अनुसार शुक्रबार छापावाल सुन प्रतितोला एक लाख ३५ हजार चार सय रूपैयाँ र तेजाबी सुन प्रतितोला एक लाख ३४ हजार सात सय ५० रूपैयाँमा कारोबार भएकाे सुन आज पनि सुन सोही मूल्यमा कारोबार भइरहेको छ ।

त्यसैगरी, शुक्रबार प्रतितोला १६ सय ४५ रूपैयाँमा कारोबार भएको चाँदी आइतबार प्रतितोला १६ सय ४० रूपैयाँमा किनबेच भइरहेको छ । यो मूल्य अघिल्लो दिनको तुलनामा प्रतितोला ५ रूपैयाँ घटेको हो ।

अन्तर्राष्ट्रिय बजारमा आज सुन प्रतिऔंस २३ सय ०३ अमेरिकी डलरमा कारोबार भइरहेको छ ।