नेपाल सुनचाँदी व्यवसायी महासंघका अनुसार नेपाली बजारमा बुधबार सुन–चाँदीको मूल्य बढेको छ ।

मंगलबार छापावाल सुन प्रतितोला एक लाख ३७ हजार चार सय रूपैयाँ र तेजाबी सुन प्रतितोला एक लाख ३६ हजार सात सय ५० रूपैयाँमा कारोबार भएको सुन महासंघका अनुसार आज छापावाल सुन प्रतितोला एक लाख ३८ हजार चार सय रूपैयाँ र तेजाबी सुन प्रतितोला एक लाख ३७ हजार सात सय ५० रूपैयाँमा कारोबार भइरहेको छ । 

अघिल्लो दिन तुलनामा यसदिन प्रतितोला एक हजार रूपैयाँ बढेको हो ।

त्यसैगरी, मंगलबार प्रतितोला १७ सय ४० रूपैयाँमा कारोबार भएको चाँदी आज प्रतितोला १७ सय ४५ रूपैयाँमा कारोबार भइरहेको छ । मंगलबारको तुलनामा बुधबार चाँदी प्रतितोला ५ रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस २३ सय ५७ अमेरिकी डलरमा कारोबार भइरहेको छ ।