काठमाडौँको थलीमा एकजना पुरुष मृत अवस्थामा भेटिएका छन् ।

आज बिहान ५ बजेर २५ मिनेटतिर थलीबाट साँखुतर्फ जाने उकालोमा मृत अवस्थामा भेटिएका पुरुष भक्तपुर नगरपालिका वडा नम्बर ७ छालिङका ५२ वर्षीय कृष्ण नगरकोटी रहेको खुलेको छ ।

उनको साथमा भएको सवारी चालक अनुमती पत्रमा भए अनुसार भक्तपुर छालिङ–७ उल्लेख गरिएको छ । नगरकोटीको घाटीमा धारिलो वस्तुले काटेको शंकास्पद अवस्थामा मृत फेला परेको थियो ।

घटना बारे थप अनुसन्धान भइरहेको बौद्ध प्रहरीले जानकारी दिएको छ ।