- राजन घिमिरे 

पछिल्लाे समय अस्ट्रेलियामा नेपालीहरूकाे आयाेजनामा फुटबल प्रतियाेगिताले निरन्तरता पाउन थालेकाे छ । यसैक्रममा सिड्नीमा पारापाक फुटबल प्रतियाेगिता भएकाे हाे । पारापाक फुटबल कप सिड्नीले आयाेजना गरेकाे याे प्रतियाेगितामा सिड्नी ब्रिसबेन र क्यानभेराका बाह्र नेपाली टाेलीहरूकाे क्लबले सहभागि जनाएका थिए । 

रूबी हाेम्स पारापाकका सुपर कप फुटबल प्रतियाेगितामा चालिस बर्ष माथि उमेरका नेपालीहरूले सहभागिता जनाएकाे जानकारी आयाेजक क्लबका अशाेक वलीले गराएका छन् भने प्रतियाेगिताले नेपाली नेपालीबिच भाइचाराकाे सम्बन्ध बिस्तार गरेकाे कुरा आयाेजक संस्थाका अध्यक्ष सन्जिब राैनियाले बताए । 

रूबी हाेम्स मुख्य प्रायाेजक रहेकाे याे फुटबल प्रतियाेगितामा सेन्जाेस नेप्लिज फुटबल क्लब प्रथम भएकाे थियाे । प्रथम भएकाे याे  क्लबले पुरस्कारका स्वरूप तीन हजार अस्ट्रेलियन डलरसहित मेडल र ट्रफी हात पार्याे भने दाेस्राे भएकाे मकाथर नेप्लिज फुटबल क्लबले पन्ध्र सय अस्ट्रेलियन डलरसहित मेडल र ट्रफी जितेकाे थियाे ।