नेपाल सुनचाँदी व्यवसायी महासंघका अनुसार मंगलबार पनि नेपाली बजारमा सुनको मूल्य स्थिर रहेको छ ।

महासंघका अनुसार सोमबार छापावाल सुन प्रतितोला एक लाख ४१ हजार रूपैयाँ र तेजाबी सुन प्रतितोला एक लाख ४० हजार तीन सय रूपैयाँमा कारोबार भएकाे सुन आज पनि सुन सोही मूल्यमा कारोबार भइरहेको छ ।

त्यसैगरी, मंगलबार चाँदीको मूल्य भने घटेको छ ।

सोमबार प्रतितोला १८ सय २५ रूपैयाँमा कारोबार भएको चाँदी मंगलबार प्रतितोला १८ सय १५ रूपैयाँमा किनबेच भइरहेको छ । यो मूल्य अघिल्लो दिनको तुलनामा प्रतितोला १० रूपैयाँ घटेको हो ।

आज अन्तर्राष्ट्रिय बजारमा भने सुन प्रतिऔंस २३ सय ३ अमेरिकी डलरमा कारोबार भइरहेको छ ।