अमेरिकाको पेन्सेल्भनियामा शनिबार आयोजित चुनावी र्‍यालीमा पूर्व राष्ट्रपति डोनाल्ड ट्रम्पमाथि गोली प्रहारको घटनालाई अमेरिकाको सङ्घीय अनुसन्धान ब्युरो (एफबीआई)ले हत्याको प्रयास भनेको छ ।

शनिबार साँझ पूर्व अमेरिकी राष्ट्रपति ट्रम्पलाई गोली हानेर मार्ने प्रयास भएपछि प्रहरी र अमेरिकी संघीय जाँच ब्युरो (एफबीआई)ले थप जानकारी दिन पत्रकार सम्मेलन गरेको छ ।

 ट्रम्पमाथि गोली प्रहारको घटनामा एक जनाको मृत्यु भएको थियो भने अरू दुई जना गम्भीर घाइते भएका थिए ।

ट्रम्पमाथि २० वर्षीय थोमस मथ्यु क्रुक्सले गोली प्रहार गरेको एफबीआईले जनाएको छ । एफबिआइका अनुसार उनी पेन्सिलभेनियाको बेथेल पार्कका हुन् । सन्दिग्धले ट्रम्पलाई मार्ने प्रयासमा गोली चलाएका थिए । गोली प्रहार हुँदा ट्रम्पले भर्खरै आफ्नो भाषण सुरु गरेका थिए । 

गोली लागेपछि अस्पताल पुर्‍याइएका ट्रम्पलाई अस्पतालबाट डिस्चार्ज गरिएको छ । नोभेम्बरमा अमेरिकामा राष्ट्रपतिको निर्वाचन हुँदैछ । निर्वाचन शुरु हुन ४ महिना भन्दा कम समय बाँकी रहँदा यो घटना भएको हो । यस घटनाको बनाइडेले पनि निकै आलोचना गरेका छन् ।