- राजन घिमिरे , सिड्नी

पछिल्लो समय गायिकाहरूको भिडमा समिक्षा अधिकारीको क्रेज र चर्चा ह्वात्तै बढेको छ । एकपछी अर्को हिट नम्बर दिन सफल समिक्षालाई पछिल्लो समय भने अभिनेत्री केकी अधिकारीको चलचित्र बोक्सीको घरको ‘ बुझिन मैले बुझाई देउ कसैले…’ बोलको गितले चरम चुलीमा पुर्यायो ।

यी र यस्ता थुप्रै हिट गितकी गायिका समिक्षा अधिकारी आगामी हप्ता सिड्नीको ग्रयानभिलमा रहेको फ्लेभर्स अफ नेपालमा गुन्जने भएकी छन -‘ हामी समिक्षा जस्तो चर्चित गायिकालाई स्वागत गर्न तयार छौं । उहांको उपस्थिति र प्रस्तुतिसंग जोडिन पाउंनु हाम्रो लागि पनि गौरबको बिषय हो -‘ फ्लेभर्स अफ नेपालका सन्चालक राजेश केसीले बताए ।

रकु समाज च्यारिटी नाईट विथ समिक्षा अधिकारी नाम दिइएको यो कार्यक्रम जुलाई २७ तारेखका दिन साँझ ६ बजेबाट शुरू हुने जानकारी दिइएको छ -‘ कार्यक्रममा म मेरा पुरानादेखी नयां गितहरू सुनाएर सिड्नीमा रहनु हुने नेपाली दाजू भाई दिदी बहिनीहरूलाई मनोरन्जन प्रदान गराउंने छु । आउनुस हामी भेटौ र गीत संगीतमा रमाऔं -‘ समिक्षाले आग्रह गरेकी छन ।