- राजन घिमिरे

प्रधानमन्त्री केपी शर्मा ओलीले बग़ैर आबासीय नेपाली संघ ( एनआरएनए ) को प्रतिनिधिमण्डलसंगको भेटमा नेपालको औधोगिक क्षेत्रमा लगानी गर्न आग्रह गरेका छन । प्रधानमन्त्री ओलीले गैर आबासीय नेपाली संघ स्वतन्त्र संस्था भएकोले यसमा कसैले हस्तक्षेप गर्न नहुने कुरा बताए । भेटमा प्रधानमन्त्री ओलीले नेपाल सरकार सधै प्रबासी नेपालीहरूको साथमा रहेको प्रतिबद्धता पनि ब्यक्त गरे ।

प्रधानमन्त्रीलाई भेट्न संघका संस्थापक अध्यक्ष डा उपेन्द्र महतोको नेतृत्वमा एनआरएन अभियन्ताहरू प्रधानमन्त्री निबास बालुवाटार पुगेका थिए । प्रधानमन्त्रीसंगको भेटमा एनआरएनए अध्यक्ष डा. वद्री केसीले गैर आबासीय नेपालीहरूले नेपालमा बिभिन्न कार्य गर्दा र क्षेत्रमा हात हाल्दा पाउंने गरेको दुख र समस्याका बारेमा प्रधानमन्त्री समक्ष प्रकाश पारेका थिए ।

प्रधानमन्त्रीसंगको भेटमा संघकी उपाध्यक्ष रोजीना प्रधान राई लगायत अतुल कोइराला, हीराधन राई, भूषण घिमिरे, अर्जुन कुमार श्रेष्ठ, बिजन भट्ट, राजु अर्याल, केशब तिमिल्सिना राजेन्द्र पुडासैनी, पर्शु बस्नेत लगायतको उपस्थिति थियो।