- राजन घिमिरे

लामो समयदेखी शैक्षिक परामर्शदाताको रूपमा क्रियाशील सस्था हो प्रोफेशनल भिषा एण्ड सर्भिसेस । नेपाल लगायत अष्ट्रेलियाका बिभिन्न शहरहरूमा आफ्नो उपस्थिति जनाउंदै आएको यो सस्थाले यूबा पुस्ता केन्द्रित कार्यक्रमहरूको आयोजना मात्र गर्दै आएको छैन कि यूबा मांझ चर्चित र उनिहरूको रूचीकर कार्यक्रम र समारोहमा सहभागिता पनि जनाउंदै आएको छ ।

यसै क्रममा अष्ट्रेलियाको मेलबर्नमा रहेको प्रोफेशनल भिषा एण्ड सर्भिसेसले बिश्वभर रहनु हुने नेपालीहरू मांझ नेपालको चर्चित सांगितिक ब्याण्ड १९७४ एडीको सांगितिक सांझको टाईटल स्पोन्सर्ड गरेर सबैको ध्यान खिचेको छ । यो मन त मेरो नेपाली हो शिर्षकका साथ यो सांगितिक ब्याण्ड ९ सेप्टेम्बरका दिन मेलबर्नमा गुन्जने भएको छ ।

१९७४ एडीको यो भब्य सांगितिक माहौल तताउंन प्रोफेसनल भिषा एण्ड सर्भिसेसले टाईटल स्पोन्सर्डको रूपमा साथ दिएर मेलबर्नका नेपाली बिध्यार्थीहरूको चाहना पुरा गरिदिएको छ । नेपाली बिध्यार्थीहरू मांझ पुग्ने र उनिहरूको मनोरन्जनको एउटा अंश बन्ने पाएकोमा सस्थाले पनि यतिबेला खुशी ब्यक्त गरेको छ ।