सत्तारूढ दल नेपाली कांग्रेसकी सांसद रमा कोइराला पौडेलले लुम्बिनी प्रदेशमा एमालेबाट सांसद बनेकी रेखा शर्मालाई कारबाहीको माग गरेकी छन् । 

सोमबार बसेकाे प्रतिनिधिसभा बैठकको शून्य समयमा बोल्दै उनले बाल श्रम शोषण गरेको आरोप लागेका सांसदलाई कारबाही गर्नुपर्ने माग गरेकी हुन् ।

सोही विषयमा केही समयअघि काठमाडौँ महानगरका मेयर बालेन्द्र साहले प्रदेशसभा सदस्यलाई कारबाही कहिले गर्ने भन्दै प्रधानमन्त्री केपी शर्मा ओलीलाई प्रश्न गरेका थिए ।

‘निकृष्ट प्रकारले बालश्रम प्रयोग गरेको देखिन्छ । माननीयज्यू, जो कानुन बनाउनुहुन्छ,’ उनले भनिन्, ‘कानुनले नै बालश्रमलाई निषेधित गरेको छ । कानुन बनाउने नै बालश्रम प्रयोग गर्ने त्यस्ता व्यक्तिलाई सरकारले कारबाही गर्नुपर्छ ।’