नेपाली बजारमा आज (बिहीबार) पनि सुनको मूल्यले पुनः नयाँ रेकर्ड कायम गर्न सफल भएको छ ।

नेपाल सुनचाँदी व्यवसायी महासंघका अनुसार लगातार नयाँ रेकर्ड बनाइरहेको सुनको मूल्य आज हालसम्मकै उच्च विन्दुमा पुगेको हो ।

यसअघि आइतबार, सोमबार, मंगलबार, बुधबार र बिहीबार सहित लगातार चार दिन हालसम्मकै उच्च मूल्यमा सुनको कारोबार भएको थियो । 

महासंघका अनुसार आज सुन प्रतितोला एक लाख ६० हजार सात सय रूपैयाँमा कारोबार भइरहेको छ । यो मूल्य पछिल्लो रेकर्डभन्दा प्रतितोला तीन सय रूपैयाँ बढी हो ।

त्यसैगरी, बिहीबार चाँदीको मूल्य भने स्थिर रहेको छ ।

बुधबार प्रतितोला १९ सय ५५ रूपैयाँमा कारोबार भएको चाँदी बिहीबार पनि सोही मूल्यमा कारोबार भइरहेको छ ।

अन्तर्राष्ट्रिय बजारमा आज सुन प्रतिऔंस २६ सय ६२ अमेरिकी डलरमा कारोबार भइरहेको छ ।