- राजन घिमिरे

अहिलेको बहु प्रतिक्षित चलचित्र छक्का पन्जा - ५ को यतिबेला जापानमा रहनु हुने नेपालीहरू मांझ उच्च माग बढेको छ । यही कुरा बुझेर जापानका सुभाष लामिछानेले चलचित्र छक्का पन्जा - ५ को जापान प्रदर्शन अधिकार खरिद गरेका हुन् ।

यो चलचित्र जापानका ४५ वटा शहरहरुमा प्रदर्शन हुने भएको छ । यसरी जापानमा एकसाथ ४५ वटा शहरहरूमा प्रदर्शन हुन लागेको छक्का पन्जा - ५.पहिलो नेपाली चलचित्र बनेको छ ।

चलचित्र प्रदर्शनको आयोजना गरेको कम्पनी भिजोनियाका सञ्चालक सुवास लामिछानेका अनुसार अक्टोबर १३ मा उक्त चलचित्र टोकियो स्थित मेगुरो पर्सिमन (MEGURO PERSIMMON HALL) हलमा प्रदर्शन गरिदैछ भने अन्य ४४ शहरमा फरक फरक मितिमा देखाईनेछ ।

जापानका अन्य शहरहरुमा पनि यो चलचित्र विभिन्न मितिमा प्रर्दशन हुने छ , दर्शकहरुको सुविधालाई मध्यनजर गर्दै अनलाईन टिकट प्रणालीको व्यवस्था समेत गरिएको छ । इच्छुक दर्शकहरुले (https://dcticketing.com/) बाट टिकट खरिद गर्न सक्ने जानकारी दिइएको छ ।