क्यानडामा भइरहेको टी-२० त्रिकोणात्मक सिरिजमा नेपालले आज आफ्नो तेस्रो खेल खेल्दैछ । खेल नेपालले घरेलु टोली क्यानडासँग ओन्टेरियोको किङ सिटीमा राति पौने १० बजे सुरु हुनेछ ।

यसअघि नेपालले सुरूवाती दुई खेलमा एक खेलमा जित र एक खेलमा पराजय भोगेको थियो । क्यानडाविरूद्धको पहिलो खेलमा १४ रनले पराजित भएको नेपालले दोस्रो खेलमा आइतबार राति ओमानलाई ३७ रनले पराजित गरेको थियो ।

आज क्यानडासँग खेलेपछि नेपालले सिरिजको अन्तिम खेलमा भोलि ओमानसँग खेल्नेछ । 

त्यसपछि नेपाली टोली अमेरिका भ्रमणमा जानेछ । सुरुमा नेपाल र अमेरिकाबीच तीन खेलको टी-२० सिरिज डालासमा हुनेछ । टी-२० सिरिजपछि नेपाल, अमेरिका र स्कटल्यान्डबीच आइसिसी विश्वकप लिग-२ अन्तर्गतको एकदिवसीय सिरिज हुनेछ .।

नेपाल अंक तालिकाको सातौं स्थानमा छ । नेपालले ८ खेलमा १ खेल मात्र जित निकालेको छ । १ खेल वर्षाले अवरूद्ध हुँदा नेपालले एक अंक पाएको थियो । नेपालले ३ अंक मात्र जोड्न सकेको छ। नेपाल ६ खेलमा त पराजित भइसकेको छ ।