- राजन घिमिरे

आउंथ्यो दशैं आउंन त पहिले नि यस्तो मज्जा भा थे न कहिले नि… दशैको सन्दर्भमा तयार पारिएको यो गीत यतिबेला चर्चामा छ । यस गीतका सर्जक हुन गायक हेमन्त शर्मा । यूबा पुस्तामांझ चर्चित यी गायक अब तिहारको छेको पारेर अष्ट्रेलियाका बिभिन्न शहरहरूमा गुन्जने भएका छन। दिदी बहिनी इभेन्टस आयोजक रहेको तिहार साँझ विथ हेमन्त शर्मा नामक यस कार्यक्रमलाई फिन कनेक्स फाइनान्सियलले प्रस्तुत गरेको हो ।

फिन कनेक्सले लामो समयदेखी अष्ट्रेलियामा हुने सामाजिक,धार्मिक लगायत गीत - संगीत र अन्य नेपाली समुदायका कार्यक्रमहरूमा आफ्नो सहभागिता र उपस्थिति जनाउंदै आएको छ -‘ यतिबेलाका नाम चलेका र वजनदार गायक हुन हेमन्त शर्मा । उहां जस्ता स्थापित गायकको कार्यक्रममा जोडिन पाउंनु हाम्रो लागि पनि गौरबको बिषय हो । यस कारण पनि हामी जोडिएका हौं -‘ फिन कनेक्सका प्रमुख बिष्णु प्रसाद अर्यालले भने । तिहार सांझको आयोजना भने दिदी बहिनी इभेन्टसले गरेको हो ।

दिदी बहिनी इभेन्टस कि प्रमुख एबं गायिका बिन्दु पौडेलले लामो समयदेखी अष्ट्रेलियामा सफल कार्यक्रमहरूको आयोजना गर्दै आइरहेकी छन -‘ अष्ट्रेलियामा रहनु हुने नेपाली गीत - संगीत पारखीहरूको चाहना र मागलाई ध्यानमा राखेर नै हामीले हेमन्त शर्माको अष्ट्रेलिया टुरको ब्यबस्थापन गरेका हैौं -‘ बिन्दु पौडेलले भनिन् । गायक हेमन्त शर्माले पनि सामाजिक सन्जाल मार्फत आफू अष्ट्रेलिया आउंन लागेको र यस पटकको तिहार अष्ट्रेलियामा रहनु हुने नेपालीहरूसंग मनाउंने योजना रहेको जानकारी दिएका छन ।

उनले भनेका छन -‘ यस पटकको तिहार अष्ट्रेलियामा रहनु हुने नेपालीहरूसंग मनाउंदै रंगीन र संगीतमय हुने भएको छ -‘ । आयोजक दिदी बहिनी इभेन्टसकी बिन्दु पौडेलका अनुसार गायक हेमन्त शर्माको अष्ट्रेलियाको सांगितिर यात्रा अक्टोबर १९ तारेखदेखी अष्ट्रेलियाको राजधानी क्यानभेराबाट शुरू हुने छ। यसैगरी गायक शर्मा अक्टोबर २१ एडिलेट , अक्टोबर २३ म्याटल्याण्ड ,अक्टूबर २४ सिड्नी, अक्टोबर २५ र २६ मेलबर्नका साथै नोभेम्बर १६ तारेखका दिन तासमनियाको होबार्टमा गुन्जने भएका छन ।