- राजन घिमिरे ,सिड्नी

प्रबासमा रहेर पनि नेपाली गीत - संगीत क्षेत्रमा लागि पर्दै आएकी सर्जक हुन प्रिती घिमिरे । उनी लामो समयदेखी अष्ट्रेलियाको सिड्नीमा बस्दै आइरहेकी छन ।अष्ट्रेलियामा आयोजना हुने बिभिन्न कार्यक्रमहरूमा दह्रो उपस्थिति जनाउंदै अगाडि बढेकी उनले हालै बजारमा ल्याएको नयां गीतले लोकप्रियता कमाएको छ ।

यो गीतमा प्रीतीलाई सिड्नीमा नै रहेका गायक सम्राट किरणले स्वरमा साथ दिएका छन । यो जोडीले बजारमा ल्याएको गीत हो ‘ यो मायालाई फकाउन’ । प्रेमिकालाई फकाउँदा नोकझोंकको भावमा आधारित गीतमा डीपी खनालको शब्द र शंकर थापा ‘स्माइल’को संगीत छ । गीतलाई विषम आचार्यले एरेन्ज गरेका हुन् । डान्सिङ बिटको गीतको भिडियोलाई प्रशान्त तामाङले कोरियोग्राफी तथा निर्देशन गरेका हुन् । भिडियोमा सञ्जीव महर्जन र अन्जिला गिरी फिचर्ड छन् ।

गोपाल रायले खिचेको भिडियोलाई विनोद बमले सम्पादन तथा कलर संयोजन गरेका हुन् । गीत ‘नेपमेलो’ युट्युब च्यानलमा रिलिज गरिएको छ ।