- राजन घिमिरे

यतिबेला गायक हेमन्त शर्मा अष्ट्रेलियाको सांगितिक यात्रामा छन । गत हप्ताबाट उनको सांगितिक यात्रा शुरू भएको हो । यूबा पुस्ता मांझ चर्चित र स्थापित हेमन्त शर्मा बिहीबार सिड्नीको टाउन हलमा रहेको माया लाउन्जमा गुन्जिए । कार्यक्रम शुरू हुनु अगाडि माया लाउनजको तर्फबाट गायक शर्मालाई सम्मान गरिएको थियो ।

सम्मान पश्चात गीत प्रस्तुत गरेका शर्माले आफ्ना गीतबाच स्रोताहरूलाई मन्त्रमुग्ध बनाएका थिए । कार्यक्रममा हेमन्त शर्माको अष्ट्रेलिया टुरको प्रमुख प्रायोजक रहेको फिन कनेक्स फाइनान्सियलका प्रमुख बिष्णु प्रसाद अर्यालले बिशिष्ट गायकसंग सहकार्य गर्न पाएकोमा प्रसन्नता ब्यक्त गरे । दिदी बहिनी इभेन्टकी बिन्दु पौडेल आयोजक रहेको यो कार्यक्रम अब मेलबर्न लगायतका शहरहरूमा हुने भएको छ । माया लाउन्जना आयोजित कार्यक्रममा लाउन्जका सन्चालक राम श्रेष्ठ र बिश्व गुरूंगले हेमन्त शर्मालाई आफ्नो सस्थाले सम्मान गर्न पाएकोमा गौरबको महशुष भएको बताए ।