नेपाली बजारमा आज (आइतबार) सुनको मूल्यले पुनः नयाँ रेकर्ड कायम गर्न सफल भएको छ । लगातार बढिरहेको सुनको मूल्य आज हालसम्मकै उच्च विन्दुमा पुगेको हो ।

अघिल्लो दिन शुक्रबार एक लाख ६६ हजार रूपैयाँमा कारोबार भएको सुन नेपाल सुनचाँदी व्यवसायी महासंघको अनुसार आज सुन प्रतितोला एक लाख ६७ हजार चार सय रूपैयाँमा कारोबार भइरहेको छ ।

यो मूल्य पछिल्लो रेकर्डभन्दा प्रतितोला सात रूपैयाँ बढी हो ।

यसैगरी, शुक्रबार चाँदीको मूल्य पनि अघिल्लो दिनको तुलनामा बढेको छ ।

शुक्रबार प्रतितोला दुई हजार ७० रूपैयाँमा कारोबार भएको चाँदी यस दिन प्रतितोला दुई हजार ८५ रूपैयाँ पुगेको नेपाल सुनचाँदी व्यवसायी महासंघले जानकारी दिएको छ । यो मूल्य अघिल्लो दिनको तुलनामा प्रतितोला १५ रूपैयाँ बढेको हो ।

आज अन्तर्राष्ट्रिय बजारमा भने सुन प्रतिऔंस २७ सय ४९ अमेरिकी डलरमा कारोबार भइरहेको छ ।