महिला साफ च्याम्पियनसिपमा आज नेपालले भारतसँग खेल्दै

एनआरएन समाचारदाता आइतबार, कात्तिक ११, २०८१

महिला साफ च्याम्पियनसिपमा आज नेपालले भारतसँग खेल्दैछ । नेपाल र भारतबीचको खेल दशरथ रंगशालामा साँझ साढे ६ बजेबाट सुरु हुनेछ ।

महिला साफमा भारत पाँच पटकसम्मको च्याम्पियन हो भने नेपालसँगको पाँचौं भेट हो ।

अघिल्लो संस्करणहरूमा चार पटक सम्मको भेटमा नेपालले एकपटक मात्रै भारतलाई हराएको छ । दुई वर्षअघि सन् २०२२ मा दशरथ रङ्गशालामै पहिलो पटक भारतलाई १–० ले हराएर फाइनलमा पुगेको थियो ।

आजै हुने अर्को सेमिफाइनलमा बङ्गलादेश र भुटान दिउँसो साढे एक बजे दशरथ रङ्गशालामा खेल्नेछन् ।

समूह ‘ए’ बाट बङ्गलादेश र भारत तथा समूह ‘बी’ बाट नेपाल र भुटान सेमिफाइनलमा पुगेका हुन् ।

प्रकाशित मिति: आइतबार, कात्तिक ११, २०८१ ११:४७