नेकपा माओवादी केन्द्रले स्थानीय तह उपनिर्वाचनका लागि काठमाडौंको कीर्तिपुर नगरपलिकामा मेयर र दुई वडाध्यक्षका उम्मेदवार घोषणा गरेको छ ।

आज (बुधबार) बिहान आयोजित कार्यक्रममा पार्टी अध्यक्ष पुष्पकमल दाहाल ‘प्रचण्ड’ को उपस्थितिमा उम्मेदवार घोषणा गरिएको हो ।

माओवादीले ७९ को चुनावमा पनि मेयर भिडेका महर्जन तेस्रो भएका प्रा. डा. शिवशरण महर्जनलाई उम्मेदवार बनाउने भएको छ । 

यस्तै, वडा नम्बर १ अध्यक्ष उम्मेदवार अष्टमान महर्जन र ४ अध्यक्षउम्मेदवार इन्जिनियर नारायण विष्टलाई उम्मेदवार बनाउने भएको छ ।

मेयरमा उम्मेदवार महर्जनले आफ्नो उम्मेदवारी घोषणासभामा खादामाला लगाएनन् । दुई वडाध्यक्षको उम्मेदवारले लगाएपछि मेयरको उम्मेदवार महर्जनले चुनाव जितेको दिन जनताको हातको माला लगाउने भन्दै घोषणा सभामा नलगाएका हुन् ।

प्रचण्डले नेताहरूलाई जनताको घरघरमा गएर आफ्नो एजेण्डा बताउँदै चुनाव केन्द्रित हुन नेता कार्यकर्तालाई निर्देशन दिए ।