राष्ट्रिय प्रजातन्त्र पार्टी (राप्रपा) ले कीर्तिपुर नगरपालिकाको मेयर पदमा उम्मेदवारी दर्ता गरेको छ ।

सो पार्टीको तर्फबाट आइतबार निर्वाचन अधिकृतको कार्यालय पुगेर ध्रुव महर्जनले उम्मेदवारी दर्ता गराएका हुन् ।  उनी पेशाले इन्जिनियर हुन् ।

उनी २०६२ सालमा तत्कालीन राजा ज्ञानेन्द्र शाहले गरेको नगर चुनावमा मेयरमा विजयी भएका थिए । त्यसबेला उनी ५८ दिन मेयर भएका थिए ।

त्यस्तै वडा नम्बर १ मा सुरेन्द्रप्रसाद उप्रेती र ४ को अध्यक्षमा विजेश बस्नेतले मनोनयन दर्ता गराएका छन् ।

यसअघि एमाले, नेमकिपा, नेपाल समाजवादी नयाँ शक्ति पार्टी र स्वतन्त्रले उम्मेदवारी दिइसकेका छन् ।