नेपाल सुनचाँदी व्यवसायी महासंघका अनुसार नेपाली बजारमा आज (मंगलबार) पनि सुन–चाँदीको मूल्य बढेको छ ।

सोमबार प्रतितोला एक लाख ६१ हजार रूपैयाँमा कारोबार भएको महासंघका अनुसार आज सुन प्रतितोला एक लाख ६२ हजार एक सय रूपैयाँमा कारोबार भइरहेको छ ।

सोमबारको तुलनामा यसदिन प्रतितोला एक हजार एक सय रूपैयाँ बढेको हो ।

त्यसैगरी, सोमबार प्रतितोला एक हजार नौ सय २० रूपैयाँमा कारोबार भएको चाँदी मंगलबार प्रतितोला एक हजार नौ सय ५५ रूपैयाँमा कारोबार भइरहेको छ ।

यो मूल्य अघिल्लो दिनको तुलनामा प्रतितोला ३५ रूपैयाँ बढेको हो ।

अन्तर्राष्ट्रिय बजारमा आज सुन प्रतिऔंस २६ सय २३ अमेरिकी डलरमा कारोबार भइरहेको छ ।