नेपाल सुनचाँदी व्यवसायी महासंघका अनुसार आज (बिहीबार) पनि नेपाली बजारमा सुनको मूल्य बढेको छ ।

गत सोमबारदेखि बढ्ने क्रममा रहेको सुनको मूल्यले यसदिन पनि निरन्तरता पाएको हो ।

महासंघका अनुसार आज छापावाल सुन प्रतितोला एक लाख ६४ हजार रूपैयाँमा कारोबार भइरहेको छ । बिहीबार प्रतितोला एक हजार रूपैयाँ बढेको हो ।

बुधबार छापावाल सुन प्रतितोला एक लाख ६३ हजार रूपैयाँमा कारोबार भएको थियो ।  

त्यसैगरी, बिहीबार चाँदीको मूल्य भने स्थिर रहेको छ।

बुधबार प्रतितोला एक हजार नौ सय ५० रूपैयाँमा कारोबार भएको चाँदी बिहीबार पनि सोही मूल्यमा कारोबार भइरहेको छ ।

अन्तर्राष्ट्रिय बजारमा आज सुन प्रतिऔंस २६ सय ५७ अमेरिकी डलरमा कारोबार भइरहेको छ ।