नेकपा एमाले तेह्रथुमको अध्यक्षमा शिवप्रसाद ढुङ्गाना निर्वाचित भएका छन् ।

नेकपा (एमाले) तेह्रथुमको १२ औं जिल्ला अधिवेशनमा गोविन्दराज श्रेष्ठलाई पराजित गर्दै ढुङ्गाना अध्यक्षमा निर्वाचित भएका हुन् ।

अध्यक्षमा निर्वाचन भएका ढुंगानमा पूर्वजिल्ला समन्वय समितिका प्रमुख हुन् ।अधिवेशनमा सर्वसम्मत नेतृत्व चयन हुन नसकेपछि निर्वाचन भएको थियो ।

बिहीबार भएको निर्वाचनमा अध्यक्षमा दसबुँदे समूहका शिव ढुंगानामा २३६ मतसहित निर्वाचित भए । अध्यक्षका प्रत्यासी गोविन्दराज श्रेष्ठले २०४ मत ल्याए । 

उपाध्यक्षमा सन्तोष तिगेला सर्वसम्मत निर्वाचित भएका थिए । सचिवमा भने तारामान मादेन निर्वाचित भएका छन् ।

सचिव तारा मादेन २२८ मतसहित निर्वाचित भए । उनका प्रत्यासी छत्रप्रसाद रिमालले २०२ मत ल्याए ।

पुरूष उपसचिवमा दसबुँदे समूहकै यादव खापुङ २२० मतसहित निर्वाचित भए । प्रत्यासी अर्जुन ढुंगानाले २०८ मत ल्याए ।

महिला उपसचिव तारा ढकाल १७५ मतसहित निर्वाचित भइन् । दसबुँदे समूहकी सरिता खड्काले १६५ मत ल्याइन् । उपसचिवमै उम्मेदवार बनेकी तारा कार्कीले ७८ मत ल्याइन् ।

मंसिर ४ गतदेखि सुरू भएको अधिवेशनले ८९ सदस्यीय कमिटी निर्वाचित गरेको छ ।