नेकपा माओवादी केन्द्रका अध्यक्ष पुष्पकमल दाहाल 'प्रचण्ड' ले दिवङ्गत पार्टी केन्द्रीय सदस्य पदम राईप्रति श्रद्धाञ्जली व्यक्त गरेका छन् ।

आइतबार पार्टी केन्द्रीय कार्यालय पेरिसडाँडामा स्वर्गीय राईको पार्थिव शरीरमा अध्यक्ष दाहालले पार्टीको झन्डा ओढाएर राईप्रति श्रद्धाञ्जली व्यक्त गरेका हुन् । 

स्वर्गीय राईलाई श्रद्धाञ्जली दिन पूर्वसभामुख अग्नि सापकोटा लगायत माओवादी केन्द्रका नेता कार्यकर्ता र सर्वसाधारण पेरिसडाँडा पुगेका थिए ।

केन्द्रीय सदस्य राईको ५८ वर्षको उमेरमा  शनिबार साँझ साढे ६ बजे काठमाडौंको वीर अस्पतालमा निधन भएको थियो । राई केही वर्षयता पार्किन्सन्स रोगका बिरामी थिए । उनी भोजपुर षडानन्द नगरपालिका-१५ का हुन् ।  

२०६४ सालको संविधानसभा चुनावमा भोजपुर १ बाट निर्वाचित उनी पूर्वअन्तरिम व्यवस्थापिकाका विधायक तथा भौतिक योजना राज्यमन्त्री हुन् ।