•   राजन घिमिरे 

  चलचित्र प्रसाद -२ को अष्ट्रेलिया प्रदर्शन अधिकार बिक्री भएको छ । यो चलचित्रको अष्ट्रेलिया प्रदर्शन अधिकार गोर्खे इन्टरटेनमेन्टका रन्जित राज वन्त र नमस्ते इन्टरटेनमेन्ट अष्ट्रेलियाका सन्चालक देब कार्कीले संयुक्त रूपमा खरिद गरेका हुन् ।

  अष्ट्रेलिया प्रदर्शन अधिकार सम्बन्धि सम्झौतामा  चलचित्रका निर्माता सुभाष थापा र बितरक रन्जित राज वन्तबीच सम्झौता सम्पन्न भएको छ । अब यो चलचित्र बैशाख १ गते नेपालसंगै अष्ट्रेलियाका बिभिन्न शहरहरूमा पनि प्रदर्शनमा आउने भएको छ ।

  सुदर्शन थापाको निर्देशन रहेको चलचित्र प्रसाद -२ मा बिपिन  कार्की , केकी अधिकारी र अर्पण थापा लगायतका कलाकारहरूको अभिनय रहेको । चलचित्रलाई पत्रकार सुशिल पौडेलले लेखेका हुन ।यस अघि बनेको चलचित्र प्रसादले पनि अष्ट्रेलियामा रहनु हुने प्रबासी नेवालीहरूबाट राम्रै माया र साथ पाएको थियो भने यस अघि पनि चलचित्र प्रसादको अष्ट्रेलियामा गोर्खे इन्टरटेनमेन्टले सफलताका साथ प्रदर्शन गरेको थियो ।

प्रसाद -२ ले पनि पहिलाको भन्दा बढी साथ पाउने बिश्वास भएर नै आफूहरुले यो चलचित्रको अष्ट्रेलिया अधिकार किनेको कुरा बितरकले बताएका छन -‘ हामी पनि अष्ट्रेलियामा नेपाली चलचित्र राम्रोसंग चलाउंन सक्ने र त्यहांको बजार बुझेको बितरकलाई चलचित्र दिन पाएकोमा खुशी छौं ।‘ चलचित्रका निर्माता सुभाष थापाले भने ।