राजन घिमिरे 

‘….देखेर तिमीलाई ,हेरेर तिमीलाई 
भेटेर तिमीलाई, सम्झेर तिमीलाई…’
     
 नेपाली गीत - संगीतको माहौलमा बजार तताएको यो गीतमा आबाज भर्ने गायक हुन सुजन चापागाईं । यो लगायत थुप्रै गीत मार्फत आफ्नो बिशिष्ट परिचान बनाएका सुजन यतिबेलाका चर्चित र ब्यस्ततम गायकमा पर्दछन  । बिशेस गरेर यूबा पुस्ता मांझ उनले बनाएको क्रेज र छाप सांच्चै लोभ लाग्दो छ ।प्रेममय गीत - संगीतको प्रस्तुती उनको बिशेषता मानिन्छ । 

देशदेखी बिदेशसम्म्का  नेपालीहरु मांझ चर्चित छन सुजन ।यिनै चर्चित गायकलाई  नजिकबाट हेर्ने र सुन्ने अष्ट्रेलियामा रहनु हुने नेपालीहरूको चाह अब भने पुरा हुने भएको छ । सुजन पहिलोपटक आफ्नो ब्याण्ड सहित अष्ट्रेलियाको सांगितीक यात्रामा निस्कने भएका छन । सुजनको सांगितीक समूहको अष्ट्रेलिया यात्राको इभेन्ट आयोजक भने हो र होइन होला, रोटेपिंग इन्टरटेनमेण्ट र डिजे शुसिल रहेका छन । इभेन्टको टाइटल प्रायोजक एस पिपुल ऐजुकेसन एण्ड भिसा सर्भिसेस रहेको छ । 

यूबा पुस्तामांझ अत्याधिक चर्चित र गीत संगीतका कारण पनि लोकप्रिय भएकोले आफ्नो समूहले गायक सुजन चापागाईलाई अष्ट्रेलिया ल्याउंन लागेको जानकारी आयोजक मध्येका एक रोशन भट्टराईले दिएका छन । 

पहिलोपटक अष्ट्रेलिया यात्रामा निस्कन लागेका सुजन चापागाई पनि यतिबेला निकै उत्साही देखिएका छन । उनले भने -‘ लामो समय अगाडिदेखी अष्ट्रेलिया जाने योजना भएता पनि अहिले आएर जुरेको छ । पहिलो पटक हामी अष्ट्रेलियाका बिभिन्न शहरहरूमा गुन्जंदै छौ । हामीलाई बिश्वास छ कि अष्ट्रेलियाका बिभिन्न शहरहरूमा रहनु हुने नेपालीहरूसंग हाम्रो सांगितिक भेटघाट हुनेछ -‘ ।

 सुजन चापागाईेको समूहले एप्रिल १४ तारेखबाट आफ्नो सांगितिक यात्रा शुरू गर्ने छ । १४ एप्रिलमा डार्बिनमा प्रस्तुत हुने यो समूहले १७ मा मेलबर्न , १९ मा क्यानभरा,२४ मा ब्रिसबेन , २८ मा सिड्नी , २९ मा होबार्ट तासमनिया र एप्रिल ३० तारेखका दिन एडिलेटमा आफ्नो सांगितीक प्रस्तुति पस्कने भएको छ । यसका लागि सुजन चापागाईं आफ्नो समूहका साथ मंगलबार अष्ट्रेलिया उड्ने भएका छन ।