- राजन घिमिरे

आ–आफ्ना विद्या र क्षेत्रमा दह्रो उपस्थिति जनाउन सफल व्यक्तिहरुको अष्ट्रेलियाको सिड्नीमा जमघट हुने भएको छ । अष्ट्रेलियामा रहनु हुने नेपालीहरुले जून १७ का दिन गैर आवासीय नेपाल संघको केन्द्रिय अध्यक्ष रबिना थापा, चर्चित नायिका करिश्मा मान्नधर र चर्चित गायिका डा. तिर्सला गुरुङ्गलाई भेट्न पाउने हुनु भएको छ ।

कार्यक्रम सिड्नीको रगडेलमा रहेको इन्द्रेणी फंसन सेन्टरमा आयोजना हुने छ । पूर्ण रुपमा च्यारीटी कार्यक्रमको उदेश्यले आयोजना गर्न लागिएको ‘एन आर एन ए ऐजुकेशन फर अल’ बाट उठेको रकम नेपालका ग्रामीण क्षेत्रमा रहेका विद्यालयलाई सहयोग स्वरुप प्रदान प्रदान गरिने छ ।

कार्यक्रमको बारेमा गैर आवासीय नेपाली संघ अष्ट्रेलियाका अध्यक्ष नन्द गुरुङ्गले सहयोग गरिने विद्यालयहरुको छनौट हुन बाँकी रहेको जानकारी दिएका छन् -‘ यो सामाजिक कार्यक्रममा उपस्थिति जनाएर साथ, समर्थन र सहयोग गरिदिनु हुन म सबैमा अनुरोध गर्दछु -‘ गुरुङ्गको आग्रह छ ।