दाङको देउखुरीमा दुई बस ठोक्किएका छन । शुक्रबार बिहान ६ः२० बजे पूर्वपश्चिम राजमार्ग अन्तर्गत लमही नगरपालिका ३ फल्कापुरमा दुई बस ठोक्किँदा एकजनाको मृत्यु भएको छ। २९ जना धाइते भएका छन ।

लु २ ख ७८५ नम्बरको बस र ना ५ ख ४८९८ नम्बरको बस ठोक्किएका छन । धाइते अधिकांश इँट्टा मजदुर रहेको बताइएको छ। दुर्घटनाका घाइतेमध्ये लु २ ख ७८५ नम्बरका चालक तुल्सीराम रामीजाल र अर्की एक महिलाको अवस्था गम्भीर रहेको जानकारी दिइएको छ ।

घाइतेमध्ये ७ जनालाई भैरहवा, ३ जनालाई घोराही र २ जनालाई नेपालगञ्ज उपचारका लागि पठाइएको बताइएको छ ।