शुक्रबार नेपाली बजारमा सुन तथा चाँदीको मूल्य बढेको छ।

 बिहीबार प्रतितोला एक हजार रुपैयाँ घटेको सुनको भाउ नेपाल सुनचाँदी व्यवसायी महासंघका अनुसार शुक्रबार प्रतितोला आठ सय रुपैयाँले बढेर छापावाल सुन प्रतितोला एक लाख १२ हजार पाँच सय रुपैयाँ र तेजाबी सुन प्रतितोला एक लाख ११ हजार नौ सय ५० रुपैयाँमा खरिद–बिक्री भइरहेको छ।

 बिहीबार छापावाल सुन प्रतितोला एक लाख ११ हजार सात सय रुपैयाँ र तेजाबी सुन प्रतितोला एक लाख ११ हजार एक सय ५० रुपैयाँमा कारोबार भइरहेको थियो।

बिहीबार  प्रतितोला १४ सय १५ रुपैयाँमा किनबेच भइरहेको चाँदी शुक्रबार प्रतितोला ४० रुपैयाँ बढेर प्रतितोला १४ सय ५५ रुपैयाँमा कारोबार भइरहेको छ।