पार्टी सभापति शेरबहादुर देउवा सिंगापुर गएपछि नेपाली कांग्रेसका उपसभापति पूर्णबहादुर खड्का पार्टीको कार्यवाहक सभापति तोकिएसँगै जिम्मेवारी दिइएको मुख्यसचिव कृष्णप्रसाद पौडेलले बताए । 

सभापति देउवा  मंगलबार राति नियमित फलोअपका लागि सिंगापुर जानुभएकाे हाे ।सभापति देउवासँगै उनकी पत्नी आरजु राणा देउवा पनि  सिंगापुर गएकी छन् ।  सभापति देउवा करिब एक सातापछि स्वदेश फर्कने उनको सचिवालयले जानकारी दिएको छ।

सभापति देउवा नफर्कुन्जेलसम्माका लागि पार्टीको विधानअनुसार पूर्णबहादुर खड्कालाई कार्यवाहक सभापतिको जिम्मेवारी दिइएको हो।