सोमबार सुनको मूल्य नेपाली बजारमा सामान्य घटेको छ भने चाँदीको मूल्य स्थिर रहेको बताइएकाे छ । 

नेपाल सुनचाँदी व्यवसायी महासंघका अनुसार आइतबार प्रतितोला एक लाख १० हजार एक सय रुपैयाँमा कारोबार भएकाे छापावाल सुन आज साेमबार एक सय रुपैयाँ घटेर प्रतितोला एक लाख १० हजार रुपैयाँ र  हिजाे प्रतितोला एक लाख नौ हजार पाँच सय ५० रुपैयाँमा कारोबार भएको तेजाबी सुन साेमबार प्रतितोला एक लाख नौ हजार पाँच सय रुपैयाँमा कारोबार भइरहेको छ।

त्यसैगरी, सोमबार चाँदीको मूल्य भने स्थिर रहेको छ। 

आइतबार प्रतितोला १३ सय ७० रुपैयाँमा कारोबार भएको चाँदी सोमबार पनि सोही मूल्यमा किनबेच भइरहेको बताइएकाे छ । 

आज अन्तर्राष्ट्रिय बजारमा सुन प्रतिऔंस १९ सय २० अमेरिकी डलरमा कारोबार भइरहेको छ।