नेपाली बजारमा बिहीबार सुनचाँदीकाे मूल्य सामान्य बढेको छ। 

नेपाल सुनचाँदी व्यवसायी महासंघका अनुसार बुधबार प्रतितोला एक लाख १० हजार छ सय रुपैयाँमा कारोबार भएको छापावाल सुन आज अघिल्लो दिनको तुलनामा प्रतितोला एक सय रुपैयाँ बढेर प्रतितोला एक लाख १० हजार सात सय रुपैयाँ र प्रतितोला एक लाख १० हजार ५० रुपैयाँमा कारोबार भएको तेजाबी सुन आज प्रतितोला एक लाख १० हजार एक सय ५० रुपैयाँमा कारोबार भइरहेको छ। 

त्यसैगरी, बिहीबार चाँदीको मूल्य पनि बढेको छ। बुधबार प्रतितोला १३ सय ८० रुपैयाँमा कारोबार भएको चाँदी आज अघिल्लो दिनको तुलनामा प्रतितोला १५ रुपैयाँ बढेर प्रतितोला १३ सय ९५ रुपैयाँमा कारोबार भइरहेको छ।

आज अन्तर्राष्ट्रिय बजारमा भने सुन प्रतिऔंस १९ सय १९ अमेरिकी डलरमा कारोबार भइरहेको छ।