अमेरिकाका पूर्व राष्ट्रपति तथा सन २०२४ को राष्ट्रपतीय चुनावका रिपब्लिकन  उम्मेदवार डोनाल्ड ट्रम्पले आफू पुनः राष्ट्रपति भएमा रुस युक्रेन युद्ध २४ घण्टामा अन्त्य गर्ने दाबी गरेका छन् । 
आइतबार फक्स टिभीको कार्यक्रम सन्डे मर्निङ फ्युचर्समा मारिया बार्तिरोमोसँगको अन्तरवार्तामा ट्रम्पले आफूले पुटिन र जेलेन्स्की दुवैलाई राम्रोसँग चिनेको भन्दै युद्ध चाँडै अन्त्य गर्ने दाबी गरेका हुन् । 

 ‘म जेलेन्स्कीलाई राम्रोसँग चिन्छु । म पुटिनलाई त अझ राम्रोसँग चिन्छु  र मेरो दुवैसँग ज्यादै राम्रो सम्बन्ध पनि छ । म जेलेन्स्कीलाई अब धेरै होइन, सम्झौता गर भन्छु ।’ उनले अन्तरवार्तामा भनेका छन् म पुटिनलाई तिमी सम्झौता नगर्ने हो भने म उसलाई अझै धेरै दिन्छु । अहिलेसम्म पाएका भन्दा धेरै (हतियार) दिन्छु । यसरी म एकै दिनमा सम्झौता गर्नेछु ।’

ट्रम्पले बाइडेन जस्ता नेताले पुटिन मात्रै होइन फ्रान्सका म्याक्रोन जस्ता स्मार्ट नेताहरुसँग राम्रोसँग डिल गर्न नसक्ने बताएका छन् ।