नेपाली बजारमा आज बिहीवार सुनको मूल्यले नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज प्रतितोला ६ सय रुपैयाँ बढेरछापावाल सुन प्रतितोला एक लाख १३ हजार छ सय रुपैयाँ र तेजाबी सुन प्रतितोला एक लाख १३ हजार ५० रुपैयाँमा कारोबार भइरहेको छ।नेपाली बजारमा बिहीवार सुनको मूल्य हालसम्मकै महंगोमा कारोबार भएको छ ।

यसअघि गत जेठ १८ गते प्रति तोला १ लाख १३ हजार ३ सय रूपैयाँको पुगेर सुनको मूल्यले नयाँ रेकर्ड बनाएको थियो । त्यसपछि बिहीवार उक्त रेकर्डलाई तोडेर नयाँ मूल्यमा सुनको कारोबार भएको हो ।

आज चाँदीको मूल्य पनि बढेको छ । आज चाँदी तोलाको ५ रुपैयाँले बढेर १ हजार ४९५ रुपैयाँ कायम भएको छ । चाँदीको यो मूल्य पनि अहिलेसम्मकै उच्च हो । अघिल्लो दिन चाँदी तोलाको १ हजार ४९० रुपैयाँमा कारोबार भएको थियो ।