शुक्रबार नेपाली बजारमा सुनको मूल्य घटेको छ। बिहीबार हालसम्मकै उच्च भएको सुन शुक्रबार तोलामा ८०० रुपैयाँले घटेको नेपाल सुनचाँदी व्यवसायी महासंघले जनाएको छ। 

बिहीबार छापावाल सुन प्रतितोला १ लाख १३ हजार ६०० र तेजाबी सुन प्रतितोला १ लाख १३ हजार ५० रुपैयाँमा काराेबार भएर हालसम्मकै उच्च दरको रेकर्ड राखेको सुन शुक्रबार प्रतितोला १ लाख १२ हजार ८०० रुपैयाँ र तेजाबी सुनको मूल्य प्रतितोला १ लाख १२ हजार २५० रुपैयाँ कायम भएको छ। 

शुक्रबार चाँदीको मूल्य पनि तोलामा १५ रुपैयाँले घटेर प्रतितोला १ हजार ४८० रुपैयाँ कायम भएको छ। यसअघि बिहीबार चाँदी प्रतितोला १ हजार ४९५ रुपैयाँमा किनबेच भएको थियो।